Вие сте овде:

 

Почитувани,

Добродојдовте на новата веб-страница на Државната комисија за спречување на корупција.

Претходната интернет страница (www.dksk.org.mk) веќе нема да се ажурира, но ќе може да пристапите до неа како архива за одредени содржини. 

 

Со почит,
Државна комисија за спречување на корупцијата


Генерално мислење

Државната комисија за спречување на корупцијата на 204-тата седница одржана на 15.08.2017 година по однос на прашања за постапување од денот на донесувањето на Одлуката за распишување на избори па до завршување на изборите за избор на градоначалник или членови на советот, односно до конституирањето на советот на општините и градот Скопје го донесе следното МИСЛЕЊЕ (кликни тука) кое се однесува на органите на државната управа, фондовите, агенциите, дирекциите, јавните претпријатија, јавните установи, независните регулаторни тела основани од државата, трговските друштва основани од државата и други институции основани од државата и другите државни органи.


ДКСК учествуваше на трибината „Имплементација на мерките од Планот 3-6-9 во делот на изборите“

28.07.2017  Државната комисија за спречување на корупција учествуваше на трибина со наслов „Имплементација на мерките од Планот 3-6-9 во делот на изборите“ во организација на Секретаријатот за европски прашања.

Трибината ја отвори и ја модерираше Заменик претседателот на Владата задолжен за европски прашања Бујар Османи, кој се осврна на клучните елементи од планот 3-6-9 вклучително и активностите кои ќе бидат фокус во делот на претстојните локални избори во наредниот период.

На трибината се обрати Претседателот на Државната комисија за спречување на корупцијата д-р Игор Тантуровски, кој истакна дека транспарентноста ќе продолжи да биде заложба на ДКСК. Сите приговори во врска со минатите избори Комисијата согласно законската обврска ги разгледуваше на јавни седници, а тоа ќе се случува и за претстојните локални избори. 

Прочитај повеќе


Одржaна работна средба со експертскиот тим предводен од Рајнхард Прибe

19.07.2017  Државната комисија за спречување на корупција одржa работна средба со експертскиот тим предводен од Рајнхард Прибе на која се разговараше за прашања од делокругот на работата на Комисијата.

На средбата присуствуваа Претседателот на Државната комисија за спречување на корупцијата д-р Игор Тантуровски, членовите на ДКСК м-р Горан Миленков, д-р Фарије Алиу и  м-р Сузана Таскова Аџикотарева, Рајнхард Прибе со  претставници од Делегацијата на Европската унија во Скопје и претставници од Одделот надлежен за Република Македонија при Европската Комисија во Брисел.

Присутните разговара за законските надлежности на Државната комисија за спречување на корупцијата, транспарентноста, потребните човечки и финансиски ресурси, активностите кои произлегуваат од Планот 3-6-9, поврзувањето во системот на интероперабилност, постапувањето во делот на превенција на корупција, судир на интереси и имотната состојба на избраните и именувани лица.

 

Прочитај повеќе


Работна средба со Вицепремиерот за европски прашања Бујар Османи

14.07.2017  Државната комисија за спречување на корупција одржa работна средба со Вицепремиерот за европски прашања Бујар Османи на која се разговараше за активностите кои произлегуваат од Планот 3-6-9 од надлежност на Комисијата во делот на борба против корупцијата.

На средбата присуствуваа Претседателот на Државната комисија за спречување на корупцијата д-р Игор Тантуровски, членовите на ДКСК м-р Горан Миленков и д-р Фарије Алиу, Вицепремиерот за европски прашања Бујар Османи и претставници од Секретаријатот за европски прашања.

Присутните разговара за активностите и динамиката на нивната реализација согласно планот 3-6-9 од надлежност на Комисијата, како што се подобрување на јавната свест за работата на ДКСК, законски измени во Законот за спречување на корупција, Законот за судир на интереси и Законот за укажувачите, дефинирање на јасни цели и индикатори за мерење на успеси и неуспеси за работата на Комисијата, имплементација на препораките од III-от и IV-от круг на евалуација  од ГРЕКО и зголемување на финансиски и кадрови ресурси на ДКСК.

Прочитај повеќе

Архива

Доколку не сте во можност да најдете некоја содржина, побарајте во нашата архива.


ISO 9001:2008


Обратете се до комисијата